Lajme

Nga sot gjermanët duhet të paguajnë vetë për testet e COVID-19

Nga 11 tetori gjermanët duhet të paguajnë vetë për testet e COVID-19. Ato do të vazhdojnë të jenë falas për fëmijët nën 12 vjeç dhe gratë shtatzëna.

Më shumë se një gjysmë viti testet kundër COVID-19 ishin falas, tani shumica e tyre duhet të paguhen nga qytetarët gjermanë.

Politika thotë se do ishte e gabuar të paguhej nga shoqëria testi i COVID-19 për ata që refuzojnë vaksinimin, kur tani ky është i mundur.

Edhe bashkitë gjermane e kanë përshëndetur këtë vendim.

“Ne nuk mendojmë, se heqja e testeve falas do të çojë në konflikte serioze sociale”, është shprehur Gerd Landsberg, kreu i Shoqatës së Bashkive dhe Komunave Gjermane, për rrjetin redaksional gjerman, “Redaktionsnetzwerk Deutschland”. /DW