Lajme

Moderna do të ofrojë 1 miliard doza për vendet e varfra në 2022

Kompania farmaceutike Moderna pritet të ofrojë 1 miliard doza të vaksinës kundër COVID-19, për vendet e varfra në vitin 2022, përveç dozave të premtuara për mekanizmin global COVAX.

Kjo kompani ka parashikuar po ashtu se vitin e ardhshëm do të prodhojë 2-3 miliardë doza të vaksinës.

“Deri më tani, më shumë se 250 milionë njerëz në të gjithë botën janë vaksinuar me Moderna. Sidoqoftë, ne e pranojmë se qasja në vaksina mbetet një sfidë për shumë vende të botës“, tha Stefan Bancel, shefi ekzekutiv i kompanisë.

Në muajin maj, kompania u zotua se do të dërgojë deri në 500 milionë doza të vaksinës së saj përmes COVAX në tremujorin e katërt të 2021./Sinjali/